Energjia, mjedisi dhe sundimi i ligjit fokus i MCC-së

19 Dhjetor 2016 - 22:57      

Edhe pse ende nuk dihet vlera totale e investimeve që do të mund të fitonte Kosova nga Korporata e Sfidave të Mijëvjeçarit (MCC) , tashmë dihen se tri fushat në të cilat mund të fokusohet fondi nga Korporata e Sfidave të Mijëvjeçarit janë energjia, mjedisi dhe sundimi i ligjit.

Kështu ka thënë koordinatori i kësaj Korporate në Kosovë, Petrit Selimi gjatë emisionit “Ekonomia me Erëzën”, të KTV-së.

“Fushat në të cilat do të angazhohet MCC-ja do të jetë energjia, sundimi i ligjit dhe perceptimi që kemi për korrupsionin, si dhe fusha e tretë është ajo ambientale duke përfshirë edhe ujin:, tha Selimi, transmeton Koha.net.

Selimi pos tjerash ka thënë se parim esencial për MCC-në është zhvillmi ekonomik dhe shtyllë për këtë është sektorin private.

Kosova është parakualifikuar për programe të MCC-së në nëntor të 2015, ndërsa projektet e para të aprovohen dhe fillojnë së implementuari gjatë 18 muajve të ardhshëm.

© KOHA. Të gjitha të drejtat janë të rezervuara.