Ministri Hyseni kërkon ndërtimin e një sistemi integral të sigurisë në Ballkan

16 Dhjetor 2016 - 15:53      

Ministri i Punëve të Brendshme, z. Skender Hyseni, i cili po merr pjesë në samitin BE-Ballkani Perëndimor, që po mbahet në Berdo të Sllovenisë, duke folur me këtë rast u angazhua për ndërtimin e një sistemi integral të sigurisë në Ballkan.

Agjendë e këtij samiti janë çështjet e migrimit ilegal, përkatësisht ruta ballkanike e migrimit, trafikimit të paligjshëm me armë, terrorizmit dhe ekstremizmit të dhunshëm.

Ministri Hyseni foli gjerësisht për të arriturat e Kosovës në këto fusha dhe kërkoi nga të pranishmit përkrahje për anëtarësimin e Kosovës në mekanizmat ndërkombëtar dhe të bashkëpunimit policor si INTERPOL dhe EUROPOL etj.

Në margjinat e samitit ministri Hyseni zhvilloi takime të veçanta me ministren e Punëve të Brendshme të Sllovenisë, znj.Vesna Gyorkos Znidar, si dhe me ministrin për Punëve të Brendshme dhe Siguri Kombëtare të Maltës, z. Carmelo Abela. Po ashtu një takim të shkurtër dhe përmbajtjesor pati edhe me komisionarin z.Dimitris Avramopoulos dhe me pjesëmarrës të tjerë në këtë samit.