Nga 2-7 maj në Prishtinë konferenca ndërkombëtare “Ndërmarrësia rinore”

16 Dhjetor 2016 - 13:55      

Konferenca Ndërkombëtare e Studentëve (UPISC) e ka dërguar thirrjen për aplikim për të gjithë të interesuarit nga vendi dhe bota që të marrin pjesë në konferencën e dytë ndërkombëtare, e cila pritet të mbahet nga 2 deri më 7 maj të vitit të ardhshëm në Prishtinë.

Konferenca me temë: “Ndërmarrësia rinore”, e cila organizohet me mbështetjen e Universitetit të Prishtinës “Hasan Prishtina”, pritet të mbledhë studentë nga shtete të ndryshme të rajonit dhe botës.

Prorektori për Kërkime Shkencore në UP, Faton Berisha, tha se qëllimi i UP-së është që të përkrahë konferenca të tilla, të cilat ndikojnë në zhvillimin e kërkimeve shkencore.
Aplikimi i të gjithë të interesuarve mund të bëhet që nga sot e deri më 20 janar.