Apeli lë në fuqi dënimet për 5 të akuzuarit e rastit “Badovci”

16 Dhjetor 2016 - 11:18      

Prishtinë, 16 dhjetor - Gjykata e Apelit e Kosovës i ka refuzuar si të pabazuara me 29.11.2016, ankesat e mbrojtësve të te akuzuarve Besnik Latifi, Gazmend Haliti, Milazim Haxhiaj, Enis Latifi dhe Fehmi Musa, Aktgjykimi i Gjykatës Themelore në Prishtinë, i datës 18.07.2016, është vërtetuar.

Rasti ka të bëjë me të akuzuarit e rastit “Badovci”.
Sipas këtij aktgjykimi katër nga të akuzuarit janë gjetur fajtor se bashkërisht kanë kryer veprën penale: Përgatitje e veprave terroriste ose veprave kundër rendit kushtetues dhe sigurisë së Republikës së Kosovës, ndërsa njëri nga ta për: Ndihmë për kryerjen e veprës penale të terrorizimit.

Po ashtu dy nga pjesëtarët e këtij grupi, janë shpallur fajtorë edhe për veprën penale: Mbajtje në pronësi, kontrolle, ose posedim të paautorizuar të armeve.

I akuzuari B.L. është dënuar me 13 vjet burgim, G.H. me 12, M.H. me 10 vjet e tre muaj, E.L. me 10, dhe F.M. me 4 vjet burim.
Gjykata e Apelit konstatoi se pretendimet e avokatëve mbrojtës për vërtetimin e gabuar dhe jo të plotë të gjendjes faktike, nuk qëndrojnë, dhe si të tilla janë të pabazuara.

Po ashtu kjo gjykatë vlerëson se gjykata themelore e ka aplikuar drejt Ligjin Penal, dhe se të akuzuarve u ka shqiptuar dënime të cilat janë në harmoni me intensitetin e rrezikshmërisë shoqërore dhe shkallen e përgjegjësisë penale të akuzuarve.

Lexoni edhe: Krejt çka ndodhi në gjykatë kur u dënuan të akuzuarit e “Badovcit” [video]