Hamiti thotë se Limaj i ofroi bashkëpunim për kodin telefonik, por gjërat i kishte ndryshuar Grabovci

16 Dhjetor 2016 - 00:25      

Ismet Hamiti, ekspert i telekomunikacionit dhe person që ka marrë pjesë në rimëkëmbjen e sistemit telekomunikativ në Kosovë, ka thënë se Fatmir Limaj, ish-ministër në Qeverinë e Kosovës ka pasur gatishmëri të bashkëpunojë për marrjen e kodit, por që gjërat kanë ndryshuar më vonë.

Ai përmend edhe Adem Grabovcin, si zëvendës i Limajt atëkohë në ministri, të cilin Hamiti e quan “kryepronto”, si prishës të planeve, transmeton Koha.net.

“Një ministri ja prezantova Kushtetutën e ITU-së, ku thuhet se edhe vendet joanëtare mund të aplikojnë dhe kanë rrugë tjetër pranimi. Ka qenë ministër Fatmir Limajt, që ka shprehur gatishmëri. E kam me shkrim që ka dashur të bashkëpunojë për këtë me ngazëllim. E më pas ndryshuan gjërat, se filluan erërat tjera që kishte zëvendësin e vet, kryepronton, Adem Grabovcin”, ka thënë Hamiti në “Interaktiv” të KTV-së, i cili ka thënë se nuk e kanë ftuar asnjëherë t’iu ndihmojë, edhe pse ka qenë i gatshëm.

© KOHA. Të gjitha të drejtat janë të rezervuara.