Kërkohet seancë e jashtëzakonshme për fshatin Hade

16 Dhjetor 2016 - 07:04      

Banorëve të Hades u janë shkaktuar dëme të konsiderueshme dhe të pariparueshme gjatë zhvendosjes për t’i hapur rrugë mihjeve për termocentralin e propozuar “Kosova e Re”, thuhet në Raportin Hetues të Panelit të Inspektimit të Bankës Botërore për zhvendosjen e dhunshme të banorëve të fshatit Hade në Obiliq.

Kjo gjetje është publikuar në konferencën e organizuar nga Konsorciumi Kosovar i Organizatave të Shoqërisë Civile për Zhvillim të Qëndrueshëm (KOSID) dhe banorët e fshatit Hade, të enjten, ku u kërkua nga Kuvendi i Kosovës që të thërret një seancë të jashtëzakonshme, shkruan sot Koha Ditore.

Në të kundërtën banorët kërcënuan me organizimin e protestave.

Kohë më parë, Qeveria e Kosovës, në bashkëpunim me Ministrinë e Mjedisit dhe të Planifikimit Hapësinor, ka shpallur fshatin Hade si zonë me interes të veçantë ekonomik për shkak të mihjeve sipërfaqësore. (Artikullin e plotë mund ta lexoni në numrin e sotëm të Kohës Ditore)

© KOHA. Të gjitha të drejtat janë të rezervuara.