Kundërshtohet projektligji që synon t’ia lë Ministrisë “disiplinimin” e gjyqtarëve e prokurorëve [video]

15 Dhjetor 2016 - 19:17      

Në emër të efikasitetit të institucioneve të pavarura të prokurorisë dhe gjyqësisë, një ditë më parë, Ministria e Drejtësisë prezantoi draftin e projektligjit për përgjegjësinë disiplinore për gjyqtarë dhe prokurorë.

Mirëpo, ky projektligj pritet që Zyrën për Përgjegjësi Disiplinore ta vërë nën ombrellën e Ministrisë së Drejtësisë, raporton KTV.

Sipas ministres, Dhurata Hoxha, do të ndikojë në fuqizimin e sistemit të drejtësisë në vend.

Mirëpo, juristi Korab Sejdiu, thotë se kjo pos që do të shihet si ndërhyrje e qeverisë në institucionet e pavarura, një gjë e tillë nuk do të mund të bëhet pa u bërë ndryshimet kushtetuese.

Por organizatat e shoqërisë civile, të cilat kontribuuan gjatë përpilimit të këtij projektligji, thonë se kjo zyrë është paraparë që të ketë kompetenca vetëm sa i përket hetimit të sjelljes së prokurorëve dhe gjyqtarëve.

Pavarësisht se me këtë ligj, shefi i zyrës së Prokurorit Disiplinor, Zef Prendrecaj, do të mbetet me kompetenca të përgjysmuara, ai e ka mirëpritur një nismë të tillë.

© KOHA. Të gjitha të drejtat janë të rezervuara.