Familjarët e të zhdukurve thonë se Thaçi po luan me ndjenjat e tyre, ai hesht [video]

15 Dhjetor 2016 - 19:08      

Vizitat të cilat së fundmi presidenti i vendit, Hashim Thaçi i ka shpeshtuar para memorialeve të serbëve të vrarë gjatë dhe pas luftës së fundit në Kosovë, nga familjarët e të zhdukurve kosovarë po cilësohen si lojë me ndjenjat e tyre.

Ata i bëjnë thirrje presidentit të heqë dorë nga këto veprime, derisa nuk zbardhet fati i mbi 1600 shqiptarëve të Kosovës.

Por krejt këto akuza nuk ka dashur t’i komentojë vetë presidenti Thaçi, kur është pyetur nga Kohavisioni.

Në korrik të këtij viti, presidenti Thaçi kishte vendosur lule në memorialin e 14 qytetarëve serbë të vrarë menjëherë pas luftës në Grackë të Lipjanit.

Një vizitë të ngjashme, Thaçi e bëri edhe në muajin gusht në Gorazhdec të Komunës së Pejës për t’i nderuar të rinjtë serbë të vrarë në vitin 2003. Ndërkaq, së fundi, presidenti vizitoi edhe përkujtimoren e serbëve në Hoçë të Madhe të Rahovecit.

© KOHA. Të gjitha të drejtat janë të rezervuara.