Kontigjent librash për Departamentin e Gjuhës Shqipe në Edrene

15 Dhjetor 2016 - 16:57      

Ministri i Diasporës, Valon Murati, ka njoftuar përmes profilit të tij në Facebook, për një takim pune që ka pasur me drejtuesit e Institutit Albanologjik, Institutit të Historisë dhe Shoqatës së Botuesve të Kosovës.

“Tema kryesore e bisedës ishte bashkëpunimi në ndihmën që këto institucione mund të japin në themelimin e një fondi të librave për diasporën në Bibliotekën Kombëtare të Kosovës, nga i cili fond do të furnizoheshin bibliotekat e ndryshme ku jetojnë shqiptarët në diasporë”, ka shkruar Murati.

“Gjithashtu si hap i parë i fillimit të bashkëpunimit u pajtuam që të ndihmojmë Departamentin e Gjuhës Shqipe në Universitetin e Trakias në Edrene të Turqisë me një kontigjent librash të nevojshëm për studentët dhe studiuesit e shqipes në këtë universitet”, ka shtuar më tej.

© KOHA. Të gjitha të drejtat janë të rezervuara.