Gjoba deri në 15 mijë euro për zyrtarët në konflikt interesi

15 Dhjetor 2016 - 07:30      

Nën trysninë e Bashkimit Evropian, Qeveria e Kosovës ka hartuar një projektligj të ri për konfliktin e interesit, të cilin e ka proceduar të mërkurën për miratim në Kuvend, shkruan sot Koha Ditore.

Projektligji përmban të listuara edhe ndalesat dhe sanksionet për zyrtarët.

Ndryshimet më kryesore përfshijnë: përcaktimin e qartë të kategorive të zyrtarëve publikë, aktivitetet që zyrtarëve iu lejohen dhe iu ndalohen përderisa mbajnë postin publik, aktivitetet që zyrtarët i kanë të ndaluara t’i ushtrojnë pas përfundimit të mandatit, obligimet e zyrtarëve dhe të eprorëve të tyre në situata të konfliktit të interesit, si dhe theksimin e procedurave që duhet të aplikohen pas paraqitjes së konfliktit të interesit.

Projektligji për parandalimin e konfliktit të interesit në ushtrimin e funksionit publik është miratuar në Qeveri, me propozim të ministres së Drejtësisë, Dhurata Hoxha.

(Shkrimin e gjerë lexojeni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.