Ministrat serbë të Kosovës të brengosur me ambientin e punës

14 Dhjetor 2016 - 22:33      

Zëvendëskryeministri i Kosovës Branimir Stojanoviq dhe ministri për Administrim e Pushtet Lokal Lubomir Mariq i kanë thënë sot shefit të diplomacisë hungareze Peter Sijart se janë të brengosur me rrethanat në të cilat punojnë dhe se kjo është edhe një arsye pse i kanë braktisur institucionet e Kosovës.

"Detajisht ia kemi sqaruar pse nuk po marrim pjesë, ashtu si dhe për ligjin e dëmshëm të Trepçës. Po ashtu kemi theksuar rëndësinë e Marrëveshjet së Brukselit dhe zbatimin e marrëveshjes më të rëndësishme për formimin Asociacionit të Komunave serbe”, citon B92 të ketë thënë zëvendëskryeministri Stojanoviq pas takimit.

Temë bisedash kanë qenë situata politike në Kosovë, funksionimi i Qeverisë së Kosovës dhe problemet ekzistuese në marrëdhëniet e politikanëve kosovarë.

Mariq ka theksuar se është me shumë rëndësi që të formohet AKS ashtu siç e parasheh Marrëveshja e Brukselit.

© KOHA. Të gjitha të drejtat janë të rezervuara.