“Produktet e huaja të qumështit në Kosovë, me përbërës të dëmshëm” [video]

14 Dhjetor 2016 - 19:30      

Produktet e qumështit të importuara në Kosovë kanë ngritur edhe një herë shqetësimin e përpunuesve të qumështit në Kosovë, raporton KTV.

Duke u thirrur në gjetjet e tyre, ata thonë se në produktet e qumështit që shiten, ka përbërës të tjerë, për çka qytetarët nuk janë në dijeni derisa të njëjtat i konsumojnë.

Ramadan Memaj, kryetar i shoqatës së përpunuesve të qumështit ka thënë se po injorohen për kohë të gjatë kërkesat e tyre për të bërë evidentimin e këtyre rasteve, derisa ka treguar se të njëjtat produkte kanë vërshuar tregun.

Televizioni ka dërguar pyetje në Ministrinë e Tregtisë, për të mësuar nëse inspektorati ka dalë në terren për të njëjtin problem, për të mos marrë asnjë përgjigje.
Ky problem që është i vjetër më shumë se 4 vjet në Kosovë ka prodhuar disa herë protesta të shoqatës së përpunuesve të qumështit për pakënaqësitë që kishin.

“Produktet e huaja të qumështit në Kosovë, me... by kohanet

© KOHA. Të gjitha të drejtat janë të rezervuara.