Në vend të të pagjeturve, udhëzues për familjet e tyre [video]

14 Dhjetor 2016 - 19:14      

Bashkimi Evropian iu bën thirrje Kosovës dhe Serbisë që të lënë lojërat politike dhe të zbardhin fatin e të pagjeturve, ndërkohë që familjarët kanë lutur Zyrën e BE-së në Prishtinë, ICMP-në dhe Qeverinë e Kosovës që kjo çështje të diskutohet në Bruksel, raporton KTV.

Komisioni Ndërkombëtar për të pagjeturit ka prezantuar udhëzuesin për familjet e të zhdukurve në Kosovë, institucionet, procesi dhe të drejtat e familjeve, i përkrahur nga zyra e BE-së në Kosovë.

Ky udhëzues ka për qëllim të ndihmojë familjarët për të drejtat e tyre dhe të motivohen për të lejuar hapjen e varreve të rreth 2 mijë kosovarëve që janë varrosur pa analiza të ADN-së në 1999.
Pavarësisht që në këtë konferencë ishte paraparë që të flasë kryeministri i vendit, Isa Mustafa, ai ka munguar.

Por në emër të tij ka folur këshilltari politik, Sokol Havolli, i cili theksoi se Qeveria e Kosovës e ka prioritet zgjidhjen e fatit të personave që mungojnë.

Në vend të të pagjeturve, udhëzues për familjet... by kohanet

© KOHA. Të gjitha të drejtat janë të rezervuara.