Dy data për debatin rreth “rastit Dehari” në Kuvend [video]

13 Dhjetor 2016 - 19:16      

Ka një muaj që Vetëvendosje nuk po arrin të mbledhë 40 nënshkrime për seancë të jashtëzakonshme për rastin e Astrit Deharit, e më shumë se dy javë kanë kaluar prej kur peticioni me rreth 24 mijë nënshkrime po qëndron brenda Kuvendit të Kosovës, ndërsa tash iniciativa për seancë pritet të jetë nga PDK-ja, raporton KTV.

Kreu i Kuvendit, që është edhe kryetar i PDK-së, i cili pati premtuar seancë për 14 dhjetor, tha se ajo nuk do të mbahet me kërkesë të Vetëvendosjes, meqë ka disa deputetë që do të jenë në seanca gjyqësore.

Veseli, tha se seanca do të jetë më 19 apo 20 dhjetor, meqë shumica e deputetëve do të jenë aty dhe nënshkrimet do t’i mbledhë PDK-ja.

Por, në Vetëvendosje po e quajnë përpjekje të vonuar dhe hipokrizi këtë që po e bën kryetari Veseli e PDK-ja.

Lëvizja Vetëvendosje disa herë kishte tentuar në seanca plenare që të bënin debat për rastin Dehari, por partitë në pushtet nuk pranuan, me arsyetimin se është ndërhyrje në drejtësi.

Dy data për debatin rreth “rastit Dehari” në... by kohanet

© KOHA. Të gjitha të drejtat janë të rezervuara.