Vendimi për veturat e vjetra duhet të rishikohet shpejt, thotë Shala

12 Dhjetor 2016 - 22:46      

Një ndër faktorët e ndotjes së ajrit në vendin tonë vlerësohet të jenë edhe importi i makinave të vjetrave, e cila është lejuar nga marsi i vitit të kaluar, pasi qeveria e Kosovës mori vendim për t’i hequr kufizimet e importit, pavarësisht vjetërsisë.

Por, ky vendim pritet të rishikohet.

Kështu ka deklaruar ushtruesi i detyrës së ministrit të Mjedisit dhe Planifikimit Hapësinor, Ferat Shala në emision “Ekonomia me Erëzën”.

“Vendimi për lejimin e makinave të vjetra është i dëmshëm për mjedisin në Kosovë. Por, ne e kemi ngritur këtë shqetësim dhe deri në fund të javë presim që ky vendim të rishikohet edhe njëherë nga institucionet përkatëse”, tha ai.

Shala tha se mosha mesatare e makinave në Kosovë është 18 vjeçare, fakt që ndikon shumë në ndotjen e ajrit. Ai shtoi se 30 për qind e ajrit të ndotur shkaktohet nga gazrat e liruara nga veturat.

“Mosha mesatare e makinave në Kosovë është 18 vjeçare, gjë që ndikon shumë në ndotjen e ajrit. Në bazë të një hulumtim që është bërë rezulton se 30 për qind e ndotjes së ajrit në vendin tonë shkarkohet nga gazrat e liruara nga veturat”, deklaron Shala.

© KOHA. Të gjitha të drejtat janë të rezervuara.