Çdo vit në Kosovë, legalisht, futen 2814 tonë duhan [video]

12 Dhjetor 2016 - 21:37      

Shkumbin Spahiu, nga KADC ka treguar në “Puls” të KTV-së, se kjo organizatë në vitin 2015 ka bërë matjen për shkeljen e Ligjit të duhanit.

Sipas tij, shkeljet më të mëdha i bëjnë: gastronomia 60 për qind, ndërsa me 30 për qind shkelës janë restorantet.

Nga institucionet publike shkelës të ligjit për kontrollin e duhanit janë objektet komunale me 17 për qind, ndërsa pas komunave pasojnë shkollat e mesme dhe kolegjet.

Ai ka thënë se vetëm brenda një viti, legalisht, në Kosovë futen 2,814 tonë duhan.
“Një pronar i një lokali më ka thënë se nga industria e duhanit i është paguar 15 mijë euro ndërtimi i tendës apo aneksit për duhan pirje”, ka thënë ai, përcjell Koha.net.

Sipas tij, thjeshtë shkelja e Ligjit për kontrollin e duhanit është bërë normale dhe organet e zbatimit të këtij ligji kanë dështuar.
“Jemi në një situatë ku duhet të bëjmë një fushatë masive sepse jemi duke e humbur luftën dhe po duket se këta 70 inspektorë në gjithë vendin nuk po kryejnë punë”, ka thënë ai.

© KOHA. Të gjitha të drejtat janë të rezervuara.