“Kosova, lider rajonal në luftimin e terrorizmit”

12 Dhjetor 2016 - 14:24      

Niveli shumë i mirë i angazhimit ndërinstitucional ka dhënë rezultatet konkrete në fushën e parandalimit dhe luftimit të terrorizmit në Kosovë.

Kështu është vlerësuar në një takim në Ministrinë e Punëve të Brendshme, ku u bë vlerësimi i implementimit të Strategjive Kundër Terrorizmit dhe Krimit të Organizuar.

Zëvendësministri i Punëve të Brendshme, Valdet Hoxha, i cili njëkohësisht është edhe Koordinator Nacional Kundër Terrorizmit dhe Krimit të Organizuar, ka falënderuar të gjithë zyrtarët e mekanizmave të përfshirë në implementimin e këtyre strategjive, duke thënë se niveli shumë i mirë angazhimin ndërinstitucional duhet të vazhdojë, duke u fokusuar më shumë edhe në aktivitetet e përbashkëta.