Shqiptarët humbën dy deputetë në këto zgjedhje, Ahmeti shpall fitoren

11 Dhjetor 2016 - 23:22      

Ali Ahmeti, kryetar i BDI-së ka dalë në konferencë për media, kur me gjasë partia e tij do të mbajë primatin si më e votuara nga shqiptarët.

Ai ka dhënë kumtin e mirë për përkrahësit e tij, se prin në këto zgjedhje, por ka dhënë edhe kumtin e hidhur për të gjithë shqiptarët atje, duke bërë me dije se ndarja në shumë parti ka bërë që të humbin së paku dy mandate deputetësh. 

“Duhet të gëzohemi që patëm zgjedhje pa probleme të theksuara, që vendi ynë shënoi progres e tregoi pjekuri. BDI gjithmonë ka kërkuar që shqiptarët të mos ndahen në parti të vogla. I kemi thirr gjithmonë partitë e vogla që të bëhen bashkë”, ka thënë Ahmeti, përcjell Koha.net. “Me hidhërim e them që shqiptare humbën dy mandate. BDI ka fituar por më ka interesuar që të fitojmë shqiptarët dhe nuk më gëzon fitorja e BDI-së”.

© KOHA. Të gjitha të drejtat janë të rezervuara.