Hoxhaj i telefonon Çavusoglút për ta ngushëlluar për sulmet në Stamboll

11 Dhjetor 2016 - 19:36      

Ministri i Jashtëm i Kosovës Enver Hoxhaj, përmes një bisede telefonike, i ka shprehur ngushëllime homologut të tij, ministrit të Jashtëm turk, Mevlüt Çavuşoğlu për viktimat e sulmit të mbrëmshëm në Stamboll.

Hoxhaj ka dënuar ashpër sulmet e mbrëmshme në Stamboll dhe i ka shprehur ngushëllime homologut turk për viktimat e dy sulmeve të njëpasnjëshme, që lanë dhjetra të vdekur.

Gjatë bisedës, Hoxhaj i ka shprehur mbështetjen Çavuşoğlut dhe popullit turk, ndërsa ka thënë se Kosova i gjendet pranë Turqisë për ta mbështetur në këto momente të vështira.

Mbrëmë Stambolli ishte cak i dy sulmeve të njëpasnjëshme ku pati dhjetëra të vdekur dhe të lënduar.

© KOHA. Të gjitha të drejtat janë të rezervuara.