Komunikata e Qeverisë së Kosovës njësoj si e Malit të Zi

11 Dhjetor 2016 - 17:47      

Komunikata që ka lëshuar Zyra e Kryeministrit, Isa Mustafa, është pothuajse identike me atë që Qeveria e Malit të Zi lëshoi për takimin bilateral mes dy kryeministrave.

Nuk jepen shumë detaje në asnjërën prej tyre, por thuhet se aty u diskutua për çështje që lidhen me bashkëpunimin bilateral.

“Kryeministri i Republikës së Kosovës, Isa Mustafa, u takua sot në Shkodër me kryeministrin e Republikës së Malit të Zi, Dushko Markoviq. Gjatë takimit miqësor, ku ishte i pranishëm edhe zëvendëskryeministri i parë, Hajredin Kuçi, dy kryeministrat biseduan për çështjet që lidhen me bashkëpunimin bilateral si dhe u pajtuan për intensifikimin e përgjithshëm, sidomos të bashkëpunimit ekonomik ndërmjet dy shteteve”, thuhet në njoftim.

“Kryeministri Mustafa dhe kryeministri Markoviq biseduan edhe për zhvillimet tjera aktuale në rajon”, thuhet më tej aty.

VERSIONI I QEVERISË SË MALIT TË ZI

Mustafa dhe Markoviq u takuan sot në një takim të paparalajmëruar e të pazakontë për një ditë vikendi.

Takimi u mbajt në një restorant në Shkodër, dhe u kap nga mediet pasi vunë re prezencën e madhe të makinave zyrtare nga Kosova dhe Mali i Zi.

© KOHA. Të gjitha të drejtat janë të rezervuara.