Veseli reagon ndaj sulmeve në Turqi: Kosova në frontin kundër terrorizmit

11 Dhjetor 2016 - 14:23      

Kryetari i Kuvendit të Kosovës Kadri Veseli në Facebook ka reaguar ndaj sulmeve të mbrëmshme në Stamboll gjatë të cilave humbën jetën 38 persona, transmeton Koha.net.

Veseli sulmin e ka quajtur mizor dhe ka thënë se Kosova në këtë çaste është me Turqinë.

Sulmi mizor në Stamboll dëshmoi edhe një herë se terrorizmi është një e keqe që kërcënon mbarë njerëzimin dhe kërkon angazhimin e të gjithëve për ta luftuar, ka shkruar kryetari i Kuvendit.

Veseli, pas ka ngushëlluar familjet e viktimave dhe pasi ka uruar për shërim të shpejtë për të lënduarit, ka thënë se Kosova ndodhet përkrah Turqisë në këto momente të vështira si dhe do vazhdojë ta japë maksimumin e kontributit në kuadër të frontit kundër terrorizmit. 

© KOHA. Të gjitha të drejtat janë të rezervuara.