AAK insiston për interpelancë dhe dorëheqje të Qeverisë

10 Dhjetor 2016 - 18:05      

Kryetari i Grupit Parlamentar të Aleancës për Ardhmërinë e Kosovës dhe nënkryetari i kësaj partie. Pal Lekaj ka reaguar pas deklaratës së Edita Tahirit, se nuk ka nevojë për interpelancë dhe shkarkime.

Lekaj, në reagimin e vet ka thënë se duhet mbajtur interpelanca dhe duhet dhënë dorëheqje qeveria, të cilën ai e ka quajtur tallëse dhe mashtruese!, transmeton Koha.net.

“ Jo vetëm që do të duhet të përgjigjet përmes interpelancës, por kryeministri dhe të gjithë vartësit e tij duhet të japin përgjegjësi për dështimet e vazhdueshme dhe dëmet që ia kanë shkaktuar Kosovës dhe qëndrueshmërisë se saj si shtet i pavarur, duke lejuar që Serbia të sillet siç asaj i bie më së miri për vete, të gjitha në kurriz të Kosovës” , ka thënë Lekaj.

Pal Lekaj, në fund deklaratat e Edita Tahirit, i ka quajtur akuj të Arktikut për Kosovën e jo flluska bore. 

© KOHA. Të gjitha të drejtat janë të rezervuara.