Gjyqësia para gjyqit

11 Dhjetor 2016 - 08:01      

Gjyqësia e Kosovës, edhe pas tetë vjetësh që kur Kosova është bërë shtet, nuk po arrin të krijojë integritet. Ndikimi politik, korrupsioni, joprofesionalizmi e neglizhenca janë karakteristikat kryesore prej pasluftës, që për pasojë kanë krijuar një sistem jokredibil dhe jotransparent.

Gjyqtarë, madje edhe kryetarë gjykatash u gjykuan e po gjykohen nën akuzën për korrupsion. Afro 50 gjyqtarë u hetuan dhe u gjetën fajtorë nga Zyra e Prokurorit Disiplinor për ndikim e neglizhencë vetëm brenda dy vjetëve të fundit, shkruan sot “Koha Ditore”.

Si pasojë e joprofesionalizmit, gjyqësori vazhdon të jetë sektori në të cilin më së shumti shkelen të drejtat e njeriut.

Kësaj situate i ka ndihmuar mungesa e përkrahjes politike për të krijuar një sistem gjyqësor të pavarur. Por asnjëherë nuk ka munguar vullneti politik për ta mbajtur nën kontroll çdo segment të sistemit... (më gjerësisht lexoni sot në “E Diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.