Mustafa informohet për Ligjin e Sigurimeve Shëndetësore

9 Dhjetor 2016 - 19:46      

Kryeministri i Kosovës, Isa Mustafa, ka zhvilluar takimin e radhës me përfaqësuesit e dikastereve qeveritare dhe institucioneve ndërkombëtare të përfshira në procesin e përgatitjes për fillimin e aplikimit të sistemit publik të sigurimeve shëndetësore.

Në takim, ishin të pranishëm ambasadori i Zvicrës, e ngarkuara me punë në Ambasadën e Luksemburgut, përfaqësuesit e Bankës Botërore dhe ministrat e Shëndetësisë, i Administratës Publike, i Punës e Mirëqenies Sociale, si dhe përfaqësuesit e mekanizmave tjerë kompetent shtetëror, transmeton Koha.net.

Gjatë takimit, u shkëmbyen informatat për përgatitjet e deritashme për fillimin a implementimit të Ligjit të Sigurimeve Shëndetësore.

Mustafa ka ritheksuar kërkesën për angazhim maksimal që ky proces të jetë sa më i kompletuar në të gjitha dimensionet, si dhe afate konkrete për përmbushjen e obligimeve, duke pas parasysh rëndësinë që ka për shëndetësinë në Kosovë.

Të pranishmit, theksuan përkushtimin e plotë për kompletimin e të gjitha aspekteve ligjore, infrastrukturore dhe administrative në këtë proces.

© KOHA. Të gjitha të drejtat janë të rezervuara.