KEDS s’e ka ndërmend të zbatojë vendimin e Inspektoratit, punëtorët kërcënojnë me radikalizim [video]

9 Dhjetor 2016 - 19:23      

KEDS-i nuk e ka ndërmend ta respektojë vendimin e Inspektoratit të Punës, i cili ka vendosur t'i kthejë në punë mbi 90 punëtorë, të cilët ishin larguar muaj më parë nga kjo kompani.

Në përgjigjen e KEDS-it thuhet se janë të sigurt që kanë vepruar në bazë të ligjit.

“KEDS-i është i sigurt se ka vepruar në përputhje të plotë me ligjet dhe procedurat në fuqi edhe në ketë rast.

Njëjtë do të vazhdojë të veprojë, duke i respektuar strikt procedurat ligjore në të gjitha instancat”. Por përfaqësuesit e Sindikatës së Pavarur ElektroKosova, thonë se nëse KEDS-i nuk e respekton vendimin e Inspektoratit të Punës, do të ndërmarrin hapa më radikalë.

Përfaqësuesi ligjor i këtyre punëtorëve thotë se vendimet e Inspektoratit të Punës duhet të zbatohen. Ky është vendimi i dytë që shkon në adresë të KEDS-it.

Kjo kompani kishte pranuar dy muaj më parë vendimin e shkallës së parë, mirëpo as atë nuk e kishin zbatuar.

KEDS s’e ka ndërmend të zbatojë vendimin e... by kohanet

© KOHA. Të gjitha të drejtat janë të rezervuara.