Sot do të bëhen matje nëse muri është pjesë e projektit të BE-së

9 Dhjetor 2016 - 13:06      

Sipas informatave dhe disa burimeve të KTV-së brenda Ministrisë së Mjedisit dhe Planifikimit Hapësinor, sot pritet që të bëhet matja gjeodezike e murit dhe zonës përreth, për të parë nëse interferon muri në krahasim me projektin për rivitalizimin e urës.

Në projekt bëhet fjalë edhe për rrugën “Mbreti Peter”, që ka qenë rrugë e qarkullueshme për vetura, e që Komuna e Veriut po e shndërron në shesh, transmeton Koha.net.

Sipas po të njëjtave burime, thuhet se nëse hipotetikisht rezultatet e matjeve dalin që muri nuk interferon në projektin e BE-së, prapë se prapë muri është i jashtëligjshëm, sepse projekti i BE-së parasheh që të ketë pamje vizuale nga jugu në veri dhe anasjelltas. Ndërsa qasja në të dy anët duhet të jetë edhe fizikisht.

Pritet që ky raport dhe pikat të bëhen publike sot pasdite.

Nga vendngjarja janë larguar inspektorët, të cilët jozyrtarisht thuhet se kanë shkuar në takim me Komunën e Mitrovicës.

© KOHA. Të gjitha të drejtat janë të rezervuara.