Punëtorët s’po i tregojnë ministrisë se për kë kompani po punojnë [foto]

9 Dhjetor 2016 - 12:27      

Punëtorët që kanë filluar të presin murin në lartësi prej 60-70 centimetra nuk po i tregojnë inspektorëve të MMPH-së, që janë në vend të ngjarjes, se për kë punojnë.

Ka rreth 30 minuta prej kur inspektorët po tentojnë të marrin informacion se për cilën kompani po punojnë, por nuk ja kanë arritur. Në vend të ngjarjes është edhe policia, transmeton Koha.net.

Njëri nga punëtorët ka pasur të stampuar në rrobat e punës emrin e kompanisë “PTP ‘RAD’ Zvecan”, por ka thënë se rrobat i ka blerë vetëm për punë dhe se nuk e di se çka ka shkruar aty. “PTP ‘RAD’ Zvecan”është një kompani nga Zveqani, e cila ishte e angazhuar që të kryejë punë në projektet e BE-së në pjesën veriore, stacionin e autobusëve dhe shtëpinë e shëndetit. Pronar i kësaj kompanie është Radule Steviq.

© KOHA. Të gjitha të drejtat janë të rezervuara.