Thaçi: Zotimi i NATO-s është obligim për ne

8 Dhjetor 2016 - 15:14      

Presidenti i Kosovës, Hashim Thaçi, ka thënë se Kosova do të përfitojë nga aktivitetet dhe programet e ndryshme që do t’ia ofrojë NATO-ja.

Në një postim në Facebook, Thaçi ka shkruar se Kosova ka aspiratë jetike anëtarësimin në NATO dhe BE.

“NATO sot konfirmoi se marrëdhëniet e Kosovës dhe Aleancës Veri Atlantike tani e tutje do të kenë një kualitet tjetër të bashkëpunimit. Ndër të tjera, republika jonë e re do të përfitojë nga aktivitete dhe programe të ndryshme të ofruara nga NATO”, ka shkruar Thaçi.

“Zotimi i Aleancës është obligim për ne, por edhe mirënjohje për politikën tonë të dialogut e bashkëpunimit. Kosova ka aspiratë jetike anëtarësimin në NATO dhe BE, familje këto të popujve të lirë e të barabartë”.

© KOHA