Caritas: Vetëm në dhjetor punësuam 600 punëtorë

8 Dhjetor 2016 - 09:25      

Don Viktor Sopi, Drejtor i Caritas Kosova, tha se organizata që ai drejton është angazhuar në qindra projekte dhe ndihma të ndryshme, duke ndihmuar veçmas personat me aftësi të kufizuar apo kategorinë e personave që përfundojnë pa vullnetin e tyre në rrjetin e prostitucionit apo janë viktima të krimit të organizuar.

Ai tha se kanë pasur shumë projekte të Caritas që sado pak ta zbusin këtë fenomen që nuk trajtohet aq sa duhet. Sipas tij, në Caritas mundohen të bëjmë një punë të favor të njerëzve. “Numërojmë shumë të punësuar, ndërsa vetëm në dhjetor kemi punësuar me orar të plotë mbi 600 të punësuar”, i tha RTK-së Don Viktor Sopi.

Sipas tij, tashmë kanë projektin që është shumë pozitiv dhe është duke u implementuar. “Projekti do të vazhdojë më të burgosur, se si trajtohen të miturit apo femrat. Ata e kryejnë dënimin pa asnjë mbështetje. Kemi projektin që t'iu mundësohet një aktivitet, një punë, për të vazhduar jetën pas burgut. Duhet të trajtohen të barabartë që pas skadimit të dënimit ti kthehen jetës., Caritas do ti ndihmojë për riintegrimin e tyre', tha Don Viktor Sopi.