Havolli thotë se me ndryshimin e ligjit, presin që AKK të ketë fuqi ekzekutive

7 Dhjetor 2016 - 23:44      

Shaip Havolli, drejtor i Agjencisë Kundër Korrupsion ka folur në “Interaktiv” të KTV-së, përgjatë Ditëve të Luftimit të Korrupsionit.

Ai ka thënë se nga puna e këtij agjencioni, ka aktakuza të ngritura, transmeton Koha.net.

“Ka aktakuza të ngritura si rezultat i punës së Agjencisë Kundër Korrupsion, aktakuza ka për të gjithë profilet, përfshirë edhe profileve të larta”, ka thënë Havolli, teksa ka shtuar se janë dërguar disa kallëzime penale, e në raste kur nuk ka pasur penale, kanë kaluar në hetim administrative.

Ndërsa në ndryshimin në ligje, ku theksi është në ndryshim dhe plotësim të ligjit për punën e Agjencionit Kundër Korrupsion, ai ka thënë se dëshirojnë fuqi ekzekutive, e jo administrative.

“Takimet kanë qenë me Komisionin për Legjislacion, për t’i çuar proceset përpara, për t’i bërë këto ndryshime legjislative”, ka shtuar Havolli, duke thënë se duhet pritur edhe për këtë, por që qëllimi kryesor është kapja e korrupsionit.

© KOHA. Të gjitha të drejtat janë të rezervuara.