Fusnota përplas anëtarët e Kabinetit qeveritar

8 Dhjetor 2016 - 07:30      

Miratimi i Projektligjit për ratifikimin e Marrëveshjes për themelimin e Fondit të Ballkanit Perëndimor ka prodhuar të mërkurën në Qeveri një polemikë për fusnotën që e shoqëron denominimin e Kosovës. Shkëndijë polemikës i ka dhënë zëvendësministri i Kulturës, Rexhep Hoti, shkruan sot Koha Ditore.

Tek e ka prezantuar Projektligjin, ministri i Punëve të Jashtme, Enver Hoxhaj, ka thënë se Kosova është anëtare e barabartë në të gjitha nivelet në këtë Fond. Po kështu ka bërë të ditur se Fondi përkrah veçmas zhvillimin e bashkëpunimit kulturor mes vendeve të Vishegradit, që janë Polonia, Hungaria, Çekia dhe Sllovakia, dhe shteteve të Ballkanit Perëndimor, që e përbëjnë Kosova, Shqipëria, Maqedonia, Mali i Zi, Bosnja e Hercegovina dhe Serbia.

Hoti ka kërkuar fjalën sapo e ka përfunduar Hoxhaj prezantimin. Nuk është interesuar të dijë më shumë rreth aspekteve kulturore të marrëveshjeve. Është ndalur te konstatimi i ministrit se Kosova është palë e barabartë në Fond.

“E pata vetëm një pyetje për ministrin. Ai tha që jemi të barabartë. Desha të di, a jemi të barabartë me fusnotë apo si Republikë”, ka qenë e gjithë fjala e zëvendësministrit, që ka prodhuar debatin e mëpastajmë.

(Tekstin e plotë lexojeni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.