“Qeveria e futi veten në kurth”

7 Dhjetor 2016 - 21:32      

Nisma për Kosovë mbetet e hapur për një opozite të bashkuar pa përjashtim duke përmendur AKR-në, lista të ndryshme të cilat siç tha ai, janë përmendur së fundmi. Kështu u shpreh kryetari i Nisma për Kosovën, Fatmir Limaj në një intervistë për “Rubikon” të KTV-së.

Tutje ai foli edhe për procesin e demarkacionit si kusht për liberalizim të vizave, duke theksuar se qytetarët e Kosovës janë duke bartur pasojat e papërgjegjsisë së qeverisë.

"Papërgjrgjesia e kësaj qeverie e ka futur në kurth. Nuk do të ishte kurrë demarkacioni kusht mirëpo nga siguria e tyre që i kanë votat, qe bejnë cdo gjë pa transparencë, shkuarja në Bruksel se si ta bëjmë marrëveshjen i kemi votat... Dhe kur janë kthyer në Prishtinë dhe e kanë parë reagimin e opozitës dhe ekspertëve të pavarur, e kanë parë se e kanë futur vetvetën në kurth", ka thënë ai.

Sipas Limajt, reformë zgjedhore nuk mund të ketë pa opozitë dhe veç pse dikush sic thotë ai, ka dëshirë.

© KOHA. Të gjitha të drejtat janë të rezervuara.