Rakiq: Muri në Mitrovicë nuk do të rrënohet

7 Dhjetor 2016 - 20:56      

Prefekti i Mitrovicës veriore Goran Rakiq ka deklaruar sonte se muri që po ndërtohet në pjesën e afërme të anës veriore të urës kryesore mbi lumin Ibër në Mitrovicë, nuk do të rrënohet, transmeton Koha.net.

“Ministrja e Kosovës për dialog Edita Tahiri nuk mund të vendosë se çfarë do të ndërtohet në këtë pjesë të qytetit”, ka shtuar ai.

Rakiq në një deklaratë për agjencinë serbe të lajmeve tanjug ka thënë se fjali është për “murin mbështetës” dhe se Tahiri nuk mund të vendosë se çfarë do të ndërtohet në pjesën veriore të Mitrovicës.

Prefekti më pas ka saktësuar se muri mbështetës, pos për nivelim, do të shërbejë edhe si siguri fizike në zonën e këmbësorëve si dhe për izolimin nga zhurma.

Rakiq më herët kishte thënë se afër urës kryesore në Mitrovicën veriore po punohet “nivelimi’ i rrugës Kralj Petra I dhe shëtitorja që është në ndërtim e se për këto punë janë të njohur zyrtarë të BE-së e të Prishtinës.

© KOHA. Të gjitha të drejtat janë të rezervuara.