Kryesia autorizohet të caktojë datën e seancës për rastin Dehari

7 Dhjetor 2016 - 15:48      

Komisioni për të drejtat e njeriut dhe peticione, ka autorizuar Kryesinë e Kuvendit të Kosovës që të caktojë datën për mbajtjen e seancës së jashtëzakonshme për rastin Dehari.

Komisioni ka kërkuar nga Kryesia që të ndryshojë 13 dhjetorin për një datë më të përshtatshme.

Vetëvendosje kërkoi që debati të mbahet të premten e kësaj jave dhe sa më shpejtë që është e mundshme, por me shumicë votash u vendos që kryesia ta trajtojë edhe një herë çështjen e datës së mbajtjes së kësaj seance dhe të gjejë një datë të përshtatshme.

Më 13 dhjetor deputetët do të jenë në një vizitë zyrtare në Suedi.

Lirie Kajtazi, kryesuese e Komisionit, ka sqaruar se për mbajtjen e seancës për rastin Dehari duhen 40 nënshkrime ose këtë ta ftojnë Presidenti ose Kryeministri.

© KOHA. Të gjitha të drejtat janë të rezervuara.