Një delegacion nga Kosova në Javën e CEFTA-së në Podgoricë

7 Dhjetor 2016 - 11:57      

Një delegacion nga Ministria e Tregtisë dhe Industrisë, i kryesuar nga zv. ministri Avni Kastrati, dhe i shoqëruar nga ambasadori i Kosovës në Podgoricë, Skender Durmishi, po marrin pjesë në Javën e Marrëveshjes për Tregti të Lirë në mes të vendeve të Evropës Qendrore (CEFTA) në Podgoricë.

Pjesëmarrës nga Kosova, përveç zyrtarëve nga Ministria e Tregtisë dhe Industrisë, janë edhe përfaqësuesit nga Oda Ekonomike e Kosovës dhe Dogana.

Në këtë konferencë do të prezantohet Raporti për implementimin e Marrëveshjes për Tregti të Lirë në mes të vendeve të Evropës Qendrore (CEFTA), po ashtu do të debatohet mbi adresimin e sfidave, përfitimeve dhe zhvillimeve të ardhshme në CEFTA.

Objektivat kryesore të kësaj marrëveshje janë eliminimi i barrierave tregtare, nxitja e investimeve dhe mbi të gjitha lehtësimi i tregtisë në rrugën drejt anëtarësimit në Bashkimin Evropian.