Kryeparlamentari Veseli për vizitë zyrtare në Francë

7 Dhjetor 2016 - 11:00      

Kryetari i Kuvendit të Republikës së Kosovës, Kadri Veseli, ka udhëtuar për vizitë zyrtare në Francë, u njoftua nga Zyra për media dhe marrëdhënie me publikun të Kuvendit.

Gjatë qëndrimit në Paris, kryeparlamentari Veseli do të pritet në një takim të veçantë nga homologu i tij francez, Claude Bartolone, kryetar i Asamblesë Nacionale të Francës, si dhe do të zhvillojë takime të tjera me personalitete të larta të shtetit francez, transmeton Koha.net.

Po ashtu, kryetari Veseli do të takojë edhe të rinj nga Kosova, të cilët ndjekin studimet në universitetet franceze.

Franca, si një nga vendet mike të Kosovës, i ka dhënë mbështetje të madhe vendit tonë në kohë dhe rrethana të ndryshme, përkrahje kjo e cila pritet të vazhdojë edhe në të ardhmen, si në agjendën ekonomike, ashtu edhe atë euro-integruese.

© KOHA. Të gjitha të drejtat janë të rezervuara.