Pse serbët në veri “linçuan” prefektin Jablanoviq të Leposaviqit

6 Dhjetor 2016 - 22:43      

Përfaqësues të serbëve të veriut të Kosovës, ndër të cilët edhe Lubomir Mariq i Qeverisë Mustafa, e kanë akuzuar prefektin e Leposaviqit Dragan Jablanoviqin për udhëheqje të politikës antiserbe dhe për atë “se detyrë e tij është shkatërrimi i unitetit të popullit serb në veri të Kosovës”, transmeton koha.net.

"Duke kumtuar se distancohet nga e vendimet e të gjithë përfaqësuesve relevantë politikë në veri të Ibrit se deri në një vendim tjetër. ndërpresin marrëdhëniet me KFOR -in, Jablanoviq e ka dënuar veten e vet me izolim dhe nga sot, sa na përket ne, ai politikisht nuk ekziston",theksohet në kumtesën që e përcjell tanjug.

Në kumtesë, të cilën e kanë nënshkruar ministri i Pushteti Lokal në Qeverinë e Kosovës Lubomir Mariq, përfaqësuesit e administratës lokale në veri të Kosovës: Zoran Todiq, Ivan Todosijeviq, Stevan Vuloviq, Aleksandar Spiriq, Stevan Vuloviq, Vuçin Jankoviq dhe Goran Rakiq, theksohet se tek ata, “ka një kohë të gjatë që shkojnë informata për aktivitetet e tij (Jablanoviqit) të paligjshme, për kontaktet e tij me informatorë të shërbimeve të huaja dhe me Policinë sekrete të Kosovës”.
Më tej theksohet se “ askush s’ka besuar se Jablanoviq do të jetë aq i paturpshëm dhe praktikisht të përkrahë vendimin e KFOR-it që të trafikojë në veri të Kosovës establishmentin politik të Prishtinës që pengon tinin krijimin e AKS-së me çfarë i është dhënë grusht gjithë popullit të këtushëm serb”.

“Nëse kësaj ia shtojmë edhe përpjekjen për instalimin e sistemit shëndetësor e arsimor kundër dëshirës së popullit në komunën e Leposaviqit, për ç’gjë Jablanoviq punon me përkushtim të madh në kohë të fundit, është e qartë se më nuk ka asnjë bazë që ai të paraqitet si përfaqësues i interesave të popullit serb”, thotë ndër të tjera kumtesa.

Dragan Jablanoviq ka kundërshtuar vendimin e prefektëve të veriut që të ndërprenë bashkëpunimin me KFOR-in.

© KOHA. Të gjitha të drejtat janë të rezervuara.