“BIK-u po mban takime se si duhet të jenë myslimanët e vërtetë”

6 Dhjetor 2016 - 21:12      

Këshilltari i BIK-ut, Vedat Sahiti, në Rubikon të KTV-së, foli për mënyrën se si kjo bashkësi po mban takime rreth vetëdijesimit të qytetarëve lidhur me predikimin e fesë islame.

Ai ka thënë se aktualisht janë duke mbajtur takime nëpër secilin qytet.

“Gjithandej nëpër qytetet e Kosovës mbahen takime se si duhet të jenë myslimanët e vërtetë. Ne jemi fanatikë të ruajtjes dhe gjithsesi se ajo është rruga e vetme që duhet ta ndjekim edhe ne si Bashkësi Islame”, ka thënë Sahiti.

Ndryshe, gazetarja Arbana Xharra propozoi që të mbahen kampe verore, ku mund të mësohet toleranca fetare.

“Ka forma se si duhet të mësohet toleranca fetare. Unë kam propozuar për kampe verore, ku mund të përfshihen fëmijët”, ka thënë Xharra.

Përfundimisht, sipas Xharrës, duhet të kërkohet qe të ndahet politika nga Bashkësia Islame.

© KOHA. Të gjitha të drejtat janë të rezervuara.