Drenori: Drenasi s’njeh proces më të rregullt zgjedhor se ky i djeshmi

5 Dhjetor 2016 - 23:34      

Ish kandidati i pavarur për kryetar të Drenasit, Xhavit Drenori, e ka quajtur të rregullt procesin zgjedhor të një dite më parë në këtë komunë.

Në “Interaktiv” të KTV-së ai ka thënë se probleme të vogla mund të ketë pasur, por në Drenas nuk mbahet mend një proces kaq i rregullt për kryetar si ky i 4 dhjetorit.

Drenori mbeti i treti në garën për kryetar të Komunës, me 12.53 për qind në zgjedhjet e jashtëzakonshme që u organizuan pas dorëheqjes së Nexhat Demakut.

“Mund të them se jam i kënaqur edhe pse kam pritur dhe kemi punuar më shumë. I falënderoj të gjithë ata që kanë besuar në programin tim”, ka thënë Drenori.

© KOHA. Të gjitha të drejtat janë të rezervuara.