Lladrovci e quan “besim të palëkundur” në PDK balotazhin në Drenas

5 Dhjetor 2016 - 17:55      

Kandidati i PDK-së për kryetar të Drenasit, Ramiz Lladrovcit, e ka cilësuar si besim të palëkundur të këtij qyteti për partinë e tij, atë që ndodhi për herë të parë në historinë e pasluftës, kur kjo komunë do të shkojë në balotazh.

“Qytetarët e Drenasit, me votën e tyre, në këto zgjedhje të jashtëzakonshme dëshmuan sërish besimin e palëkundur në Partinë Demokratike të Kosovës. Festën, pa asnjë dyshim, do ta gëzojmë më 18 dhjetor”, ka thënë Lladrovci, përcjell Koha.net. “I falënderoj nga zemra të gjithë qytetarët për besimin dhe kulturën e lartë politike që treguan. Ne jemi fituesit e këtyre zgjedhjeve. Bashkë kemi shumë punë për të bërë”, ka shtuar ai.

Në zgjedhjet e kaluara, më 2013, kandidati i PDK-së, Nexhat Demaku kishte fituar pa balotazh me rreth 60 për qind. Dje, në zgjedhjet e jashtëzakonshme për kryetar të Drenasit, Lladrovci u ndal në rreth 45 për qind për ta çuar për herë të parë në histori këtë bastion të PDK-së në rundin e dytë të zgjedhjeve.

© KOHA. Të gjitha të drejtat janë të rezervuara.