Papadopoulou viziton “Kohën Ditore”, shpreh përkrahje për gazetarinë profesionale

5 Dhjetor 2016 - 13:12      

Prishtinë, 5 dhjetor - Shefja e EULEX-it, Alexandra Papadopoulou, e shoqëruar me bashkëpunëtoret e saj, ka vizituar të hënën redaksinë e Kohës Ditore, për të shprehur përkrahjen e saj dhe të misionit evropian për sundimin e ligjit në Kosovë për lirinë e shtypit dhe gazetarinë profesioniste, sidomos në rrethanat sikur këto në Kosovë, ku mediat e lira janë pjesë esenciale e procesit të ndërtimit të demokracisë dhe instalimit të sundimit të ligjit.

Në një takim me botuesen e gazetës, Flaka Surroi, dhe kryeredaktorin, Agron Bajrami, Papadopoulou ka theksuar edhe rëndësinë e transparencës për një shoqëri demokratike, çfare synon të bëhet edhe Kosova, ndërsa ka shprehur respektin e saj për profesionalizmin dhe standardet e gazetarisë që aplikohen në “Koha Ditore”. 

© KOHA. Të gjitha të drejtat janë të rezervuara.