“Qeverisja antisportive” [video]

3 Dhjetor 2016 - 23:01      

Qasja e Qeverisë së Kosovës ndaj sportit, si një qeverisje antisportive, vjen me një seri artikujsh si tema e javës këtë të diel me Koha Ditore.

Në këta artikuj, do të mund të lexoni për premtimet e fushatave për stadiume që rezultojnë me arnime dhe për infrastrukturën sportive, si infarkt-strukturë, transmeton Koha.net.

Se si shteti ka dështuar plotësisht për të ngritur një infrastrukturë sportive moderne, do të kuptoni nga një intervistë me Xhavit Kajtazin, trajner volejbolli dhe gazetar.

Më tutje, do të lexoni një reportazh për fshatin me fushë që ia kanë lakmi qytetet, dhe një tjetër për futbollin në terrenin e rrezikshëm për shëndetin e lojtarëve.

Nga bota, do të lexoni për ankthin dhe kundërthëniet në Kubën pas Fidelit, dhe për foshnjat malaziase që i hidhen në shitje për 1000 deri në 3000 dollarë.

Në faqet e kulturës, do të njiheni me artin e artistes së pikturave në gjethe, dhe me dokumentarin për besën shqiptare me mesazh paqeje për botën.

Për teatrin si medium social apo elitar, do të lexoni te 7 shkronjat e aktorit Xhevdet Doda, kurse te monumenti do të njiheni me tri xhamitë e para të Prizrenit.

Ndërsa ndjekësit e sportit, do të kenë rastin të lexojnë për dashurinë dhe zhgënjimin e Arben Zhjeqit me Prishtinën, dhe për historinë e aksidenteve ajrore të skuadrave sportive.

Këto, dhe artikuj të tjerë nga shkenca, teknologjia dhe moda, mund t’i lexoni në 82 faqet e numrit të nesërm të Kohës Ditore.

© KOHA. Të gjitha të drejtat janë të rezervuara.

“Qeverisja antisportive” by kohanet