Vetëvendosje kërkon drejtësi para Pallatit të Drejtësisë [foto]

2 Dhjetor 2016 - 10:24      

Aktivistë të Vetëvendosjes, sot, para Pallatit të Drejtësisë, kanë zhvilluar një aktivitet në respektim dhe kërkim të asaj që ata e quajnë drejtësi për aktivistët e saj që janë të dënuar me masa të ndryshme sigurie: paraburgim, arrest shtëpiak dhe paraqitje në Polici, transmeton koha.net.

Ata, me parullat “Lironi aktivistët” dhe “Liri për të burgosurit politik” kanë qëndruar para dyerve të pallati të Drejtësi të cilat ruheshin dhe mbroheshin nga forca policore.
Aktivistët protestues në pallto kishin vendosur distinktivë me portretin e Astrit Deharit.

Astrit Dehari, i dyshuar për sulmin në Kuvendin Kosovës në muajin gusht, ka vdekur në Qendrën e paraburgimit në Prizren më 5 nëntor.
Gjatë kohës së qëndrimit në paraburgim, i ndjeri Dehari nuk ishte marrë asnjë herë në pyetje lidhur me veprën për të cilën akuzohej.
Për sulmin në Kuvendin e Kosovës janë të dyshuar edhe pesë aktivistë të Vetëvendosjes.

© KOHA. Të gjitha të drejtat janë të rezervuara.