IKD e quan shkelje kushtetuese mbylljen e seancave gjyqësore

1 Dhjetor 2016 - 23:49      

Ehat Myftaraj, nga Instituti i Kosovës për Drejtësi e ka cilësuar si shkelje kushtetuese e të parimeve mbylljen e seancave gjyqësore për publikun e gazetarët, në rastin “Stenta” dhe në atë të Sali Mekajt.

Ai ka thënë se të dy rastet janë me interes për publikun.

“Kemi reaguar për të dy rastet për mbylljen e këtyre dy rasteve, të cilat ne besojmë se nuk korrespodojnw me praktikat e Kodit të Procedurës Penale”.

Ai ka thënë se te rasti “Stenta”, vendimin që e ka marrë gjyqtari për largimin e publikut, me arsyetimin e mungesës së hapësirës është tërësisht në kundërshtim me parimet e përcaktuara me Kushtetutën dhe ligjet e veçanta që e përcaktojnë këtë çështje. Edhe rasti për Mekajn është me interes për publikun, ka thënë ai.

Myftaraj ka thënë se seancat e hapura në këto raste, po u pengojnë ose grupeve të interesit, ose personave të pandehur, ose vet gjykatësve që frikohen se nuk do të mund të marrin vendime të drejtë dhe ato do të gjykohen pastaj nga publiku.

© KOHA. Të gjitha të drejtat janë të rezervuara.