Rama: Gjermania, mbështetja kryesore për anëtarësim

1 Dhjetor 2016 - 23:13      

Kryeministri Shqipërisë, Edi Rama deklaroi të enjten në mbrëmje se “Gjermania do të jetë mbështetja jonë kryesore në mbledhjen e Këshillit të Ministrave të Bashkimit Europian, që do të zhvillohet në mes të dhjetorit, për çështjen e negociatave të anëtarësimit në Bashkimin Evropian”.

I ftuar në emisionin “Top Story”, Kryeministri foli për vizitën e tij të fundit në Gjermani dhe mesazhet e Kancelares gjermane, Angela Merkel për procesin e integrimit të Shqipërisë në BE. Rama theksoi se “nga kjo mbledhje e rëndësishme pret që Këshilli Europian të mirëpres rekomandimin pozitiv dhe të inkurajoj procesin e integrimit të Shqipërisë në BE, duke qenë i hapur për të konsideruar çeljen e negociatave në një datë, kur ne të kemi nisur zbatimin e Vetingut”.

Sipas tij sot ne jemi të bllokuar brenda nesh nga PD, që ka çuar ligjin e vetingut në Gjykatën Kushtetuese.