Pse Gecaj habitet me reagimin e Avni Arifit

1 Dhjetor 2016 - 08:42      

Bajram Gecaj, zëvendësministër i Pushtetit Lokal, ka vazhduar polemikën me zyrtarin e lartë të AAK-së Avni Arifi rreth atyre që ai quan “suksese të Qeverisë”, transmeton koha.net.

Gecaj e pyet Arifajn në Facebook pse dukurinë e evidentuar nga kreu i Qeverisë e ka marrë si kritikë ndaj një subjekti politik.
Zyrtari i LDK-së ka shkruar:

Ne nuk trillojmë e sulmojmë për të mbetur gjallë politikisht! Duke i ju gëzuar sukseseve të Qeverisë por edhe shumë sferave të tjera të jetës tonë në përgjithësi, kryeministri Isa Mustafa, në një postim të tij në facebook, ndër të tjera kishte deklaruar se “...vendi ka filluar të frymojë lirshëm nga bosët e kazinove dhe reketit, nga sekserët dhe ryshfeti...”.

Kështu, kryeministri kishte shprehur kënaqësi individuale e institucionale se një dukurie të tillë të dëmshme e të pranishme kohë të gjatë ndër ne, po i vjen fundi, por asnjëherë nuk ja kishte adresuar saktë këtë dukuri ndonjërit nga subjektet politike apo konkretisht ndonjë individi. Megjithatë, pasoi një reagim i shpejtë, por disi i çuditshëm dhe krejt pa sens i Avni Arifit të AAK-së i cili duke ju drejtuar kryeministrit tha, “...kur po flet për haraç e kazino shtrëngoje rrenën pak ma shumë se kurgjo tjetër s’të ka mbetë...”

E pse të mbeti ty hatri Avni, çka t’u tek, çfarë zori pate që ta marrësh këtë vlerësim të përgjithshëm kaq afër zemre, dhe për më shumë pse vëlla u përpoqe ta ofendosh kryeministrin. A nuk po e sheh se është mu e vërteta ajo që na prin neve në punën tonë. Ne nuk trillojmë e sulmojmë për të mbetur gjallë politikisht.

© KOHA. Të gjitha të drejtat janë të rezervuara.