Fillon numërimi i kohës së injorimit të debatit parlamentar për “rastin Dehari”

30 Nëntor 2016 - 22:39      

Publicistja dhe aktivistja e Shoqërisë Civile, Flaka Surroi, sot në profilin e vet të Facebookut ka reaguar ndaj injorimit që Kuvendit i Kosovës, përmes kryetari të tij, Kadri Veseli , i ka bërë Peticionit “Drejtësi për Astritin” me 23.774 nënshkrime, transmeton Koha.net.

Ky Peticion i dorëzuar dje Kuvendit nga të OJQ –ve me qëllimin që të gjendet drejtësia për vdekjen e Astrit Deharit, në Qendrën e Paraburgimit në Prizren, më 5 nëntor.

Kuvendi i Kosovës sot refuzoi të debatojë për këtë rast që tashmë temë interesimi është edhe në Amnesty International.

“Kemi nisur numërimin e kohës - sa gjatë do ta injoroni kërkesën e shoqërisë civile për debat parlamentar, ndër të tjera.
Do të mund t'i shpikni me mijëra arsyetime, obligimin nuk do të mund ta fshini”, ka shkruar Flaka Surroi.

© KOHA. Të gjitha të drejtat janë të rezervuara.