“A jeni HIV pozitiv apo negativ?”

30 Nëntor 2016 - 20:29      

Vetëdijesimi rreth virusit HIV në Kosovë ende qëndron ulët, sikur në kohën kur ka lindur edhe pyetja “A jeni HIV pozitiv apo negativ” si shaka, pasi një person ishte përgjigjur “që mirë është të jesh pozitiv”.

Sipas Edona Ahmetaj, zyrtare për të drejtat e njeriut në CDF, edhe pas përpjekjeve maksimale për vetëdijesim të qytetarëve, gjendja është e njëjtë si para shumë kohësh, transmeton Koha.net.

Madje ajo e krahason atë me një incizim të realizuar kohë më parë kur qytetarët mendojnë se në mes të HIV pozitiv apo negativ, më mirë është të jesh pozitiv.

“Kam përshtypjen se situata është e njëjtë pa marrë parasysh përpjekjeve që janë bërë”, ka thënë ajo në “Rubikon” të KTV-së.

Tutje Ahmetaj ka thënë se të diagnostifikuarit me HIV nuk duhet të zbulojnë infektimin e tyre në vendin e punës.

© KOHA. Të gjitha të drejtat janë të rezervuara.