Reciprociteti për targat me Serbinë mund të mos nisë as nesër [video]

30 Nëntor 2016 - 19:11      

Zbatimi i marrëveshjes për reciprocitet të plotë për targat e veturave ndërmjet Republikës së Kosovës dhe asaj të Serbisë nuk pritet të nisë as më 1 dhjetor, raporton KTV.

Kjo për shkak se Ministria e Punëve të Brendshme, e cila ishte fajësuar se nuk i prodhoi letrat ngjitëse, nuk e ka marrë asnjë hap.
Ministri Skënder Hyseni thotë se pa një vendim të qeverisë nuk mund të shpallë tender për këtë çështje.

Kritika për moszbatimin e marrëveshjes vijnë nga shoqëria civile.
Sipas Analistit Krenar Shala, e udhës do të ishte që të bëhej presion ndaj Serbisë për të njohur targat e shtetit të Kosovës, për të lejuar lëvizjen e lirë të qytetarëve, e cila është e garantuar me konventat ndërkombëtare për të drejtat e njeriut sesa të arrihet një marrëveshje e tillë.

Përmes kësaj marrëveshjeje, parashihet që të dyja vendet si Kosova ashtu edhe Serbia të mbulojnë simbolet e tyre shtetërore me letër ngjitëse.

Reciprociteti për targat me Serbinë mund të mos... by kohanet

© KOHA. Të gjitha të drejtat janë të rezervuara.