IKD kundër mbylljes të seancave gjyqësore

30 Nëntor 2016 - 18:18      

Instituti i Kosovës për Drejtësi (IKD) reagon ndaj tashmë praktikës së mbylljes së seancave gjyqësore përmes të cilave ndalohet, kufizohet dhe censurohet liria e shprehjes, liria e medieve, shoqërisë civile dhe publikut për tu informuar dhe për të informuar rreth rasteve më të mëdha gjyqësore që përbëjnë interes të publikut, transmeton Koha.net.

IKD vlerëson se është e papranueshme qasja e gjykatësve të Gjykatës Themelore në Prishtinë për mbylljen e tërësishme të rastit “Mekaj” dhe mbylljen e njërit ndër rastet më të mëdha “Stenta”, të cilat përbëjnë interes të publikut.

IKD kërkon që të respektohen obligimet kushtetuese dhe ligjore për mbarëvajtjen e proceseve gjyqësore për të gjitha palët në procedurë, duke përfshirë edhe informimin e publikut dhe medies në kuadër të kësaj kornize ligjore.

“Megjithatë, IKD kundërshton arsyetimet e paqëndrueshme dhe të pabazuara në Kushtetutë dhe ligje për të mbyllur proceset gjyqësore për publikun dhe medien për shkak të tekeve të cilitdo gjykatës”, thuhet ndër të tjera në reagimin e IKD-s.

© KOHA. Të gjitha të drejtat janë të rezervuara.